कधी कधी आम्ही असे का करतो?—श्री. राजेंद्र थोरवे–अहमदनगर.

श्रीगुरु परखडपणे स्पष्ट आणि सरळ शब्दांत आपले मत सांगत. श्रीगुरुंनी माझ्याशी बोलताना एकदा एक उदाहरण दिले होते. ते म्हणाले,”आम्ही कधी कधी असे कठोर वर्तन का करतो? रागावतो ते का रागावतो? त्याचे कारण असे की, आम्ही तुम्हाला स्वीकारले आहे; म्हणजे खराब कपडा धुवायला घेतला आहे. अस्वच्छ कपडा धुवायचा म्हणजे काही सोपे काम नाही. प्रथम तो भिजत घालायला लागतो. भिजत घातल्याशिवाय त्यातून काही घाण निघू शकत नाही. भिजत घातल्यानंतर त्याला घासावे लागते, आपटावे लागते, धोपटावे लागते, लागेल तेव्हढा मार द्यावा लागतो. त्यातूनही सगळे डाग निघतीलच असे नाही. त्याकरिता काही रसायन घालावे लागते, थोडे लिंबू लावावे लागते, कोठे रॉकेल लावावे लागते, कोठे पेट्रोल लावावे लागते. काही पक्के डाग काढण्यासाठी वेगवेगळ्या गोष्टी वापराव्या लागतात, मग तो धुवून खळबळावा लागतो. पुन्हा उन्हात वाळवावा लागतो. इस्त्रीचे चटके द्यावे लागतात. तेव्हा कुठे तो कपडा घालायच्या कामाला येतो.”

ते पुढे म्हणाले,”तुम्हाला जरी वाटत असेल की मी तुमच्यावर रागावतो, तुम्हाला हाकलून देतो, तुमच्यावर ओरडतो, वेळप्रसंगी तुम्हाला शिक्षा करतो, पण त्याचे कारण असे की तुमचे जे वेगवेगळे डाग आहेत ते मला घालवायचे असतात. तुम्ही पूर्वी काय काय केले होते ते तुम्हाला माहिती नाही,  पण मी पाहात असतो, त्यासाठी हे सगळे करावे लागते. प्रसंगी चटकेही द्यावे लागतात. कारण त्याशिवाय शिष्यत्वाची पात्रता येत नाही.”

हे उदाहरण मला खूप आवडले. आपली चित्तशुद्धी व्हावी यासाठी सद्गुरुंना काय काय करावे लागते याची कल्पना आली. ‘वह्नौ वारशतं क्षिप्तं सुवर्णमेव सुवर्णगुणातिरेकेण प्रकाशते |’ — मुशीतून तापवलेले सोनेच झळाळते, तेदेखील शेकडो वेळा तापवल्यावर ! गुरुदेखील अनेक वेळा परीक्षा घेऊन शिष्याची तयारी तपासत असतात, तेव्हाच शंभर नंबरी वाजणारं नाणं तयार होतं…!

श्री. राजेंद्र थोरवे- अहमदनगर.

_____________________________________________________________

Advertisements
This entry was posted in सद्गुरुंच्या आठवणी. Bookmark the permalink.

2 Responses to कधी कधी आम्ही असे का करतो?—श्री. राजेंद्र थोरवे–अहमदनगर.

  1. स्तबक म्हणतो आहे:

    अप्रतिम दृष्टान्त आहे….हे वाचून एकच उद्गार येतो….गुरुरेको जगति त्राता|

  2. harshall म्हणतो आहे:

    bahunam janmanam ,ante gyan vanam mam prapdyate, vasudev sarva mitti ,sa mahatma su durlabha .

    Parmeshwar khup sahaj aahe ….pan tyache gyan denare wa tyachya paryant pochovnarya vyakti khup durlabh aahet ….. …. Shri krishna ne Arjuna la guru baddal sangtana , ha updesh kella hotaa.

    Rgds
    Harshall

प्रतिक्रिया व्यक्त करा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदला )

Twitter picture

You are commenting using your Twitter account. Log Out / बदला )

Facebook photo

You are commenting using your Facebook account. Log Out / बदला )

Google+ photo

You are commenting using your Google+ account. Log Out / बदला )

Connecting to %s